ລົດ BMW IX3 ເປັນລົດນຳໃຊ້ພະລັງງານໄຟຟ້າ 100% ເຂົ້າໃນການຂັບເຄື່ອນ,ມີຮູບຊົງຫລູຫລາ,ສວຍງາມ,ສາຍສະປອດ ທັງດ້ານໃນ ແລະ ດ້ານນອກ, ເປັນມິດກັບສິ່ງແວດລ້ອມ, ມີລະບົບທີ່ທັນສະໄໝ, ທົນທານ, ມີອັດຕາເລັ່ງ 0-100 ກມ/ຊມ, ຄວາມໄວ້ສູງສຸດ 180 ກມ/ຊມ, ແຮງຈັກ 400 ກິໂລວັດ, ມີລະບົບໄຟຟ້າ, ທີ່ສະດວກສະບາຍ ໂດຍຖືກອອກແບບໃຫ້ແບັດເຕີຣີ ສາມາດຮັບການສາກໄດ້ 2 ລະບົບຄື: ລະບົບສາກໄຟຟ້າກັບສະຖານີ ແລະ ກ່ອງສາກພິເສດເຊິ່ງໃຊ້ເວລາສາກພຽງແຕ່ 30-40 ນາທີ ແລະ ລະບົບສາກໄຟຟ້າ ທີ່ສາມາດສາກໄດ້ກັບໄຟຟ້າທີ່ໃຊ້ໃນຄົວເຮືອນ ໃຊ້ເວລາສາກປະມານ 5-7 ຊົ່ວໂມງ, ໂຄງສ້າງຂອງຕົວລົດໄດ້ຖືກອອກແບບ ໃຫ້ມີຄວາມແຂງແກ່ນ, ທົນທານ, ຂັບເຄື່ອນໄດ້ຢ່າງນີ້ມນວນ, ເຂົ້າໂຄ້ງໄດ້ຢ່າງດີ, ມີໄຟຕາລົດ LED ທີ່ມີແສງສະຫວ່າງແຈ້ງຊັດເຈນ ແລະ ສາມາດ ເປີດ/ປິດ ໄດ້ອັດຕະໂນມັດ ນອກຈາກນີ້ລົດ BMW IX3 ຍັງມີລະບົບ ທີ່ສາມາດນຳໃຊ້ໄຟຂອງຂອງແບັດເຕີຣີ ອອກມານຳໃຊ້ຢູ່ພາຍນອກໄດ້ຢ່າງສະດວກສະບາຍ.

BMW IX3 ເປັນລົດສາກດ້ວຍໄຟຟ້າ 100% ສາກງ່າຍ,ປອດໄພ ແລະ ມາພ້ອມກັບການອອກແບບທີ່ທັນສະໄໝ ແລະ ສິ່ງອຳນວຍຄວາມສະດວກໃນຫ້ອງໂດຍສານແບບຄົບວົງຈອນ ເໝາະສຳຫຼັບຜູ້ຊົມໃຊ້ໃນຍຸກປັດຈຸບັນ.

• ງານດີຊາຍແບບ Hans Zimmer ຄວາມສວຍງາມທີ່ພ້ອມສະກົດສາຍຕາ

• ໂຄງສ້າງອອກແບບຢ່າງພິຖີພິຖັນ ເພື່ອລົດຍົນພະລັງງານໄຟຟ້າໃນການອອກໂຕໄປໄດ້ໄວ ແລະ ແຮງກວ່າທີ່ເຄີຍມີ

• ລະບົບຂັບເຄື່ອນລໍ້ຫຼັງເພີ່ມປະສິດທີພາບໃນການສົ່ງກຳລັງໄດ້ດີຍິ່ງຂື້ນ

• ມໍເຕີ້ໄຟຟ້າ ເຮັດວຽກກ່ຽວກັບລະບົບຂັບເຄື່ອນລໍ້ຫຼັງ ຊ່ວຍເພີ່ມປະສິດທິພາບໃນການສົ່ງກຳລັງສູງສຸດເຖິງ 286 ແຮງມ້າ ເຮັດໃຫ້ລົດມີອັດຕາເລັ່ງທີ່ໄຫຼລື່ນ ຂັບຂີ່ໄວ ແລະ ນີ້ມນວນ

• ແບັດເຕີຣີ ມາດຕະຖານສູງ 80kwh ລະບາຍຄວາມຮ້ອນໄດ້ດີ

ລົດໄຟຟ້າພາຍໃຕ້ແບນ Mercedes-EQ ທີ່ຜະລິດແລະນຳເຂົ້າ (CBU) ມາວາງຈຳໜ່າຍຢ່າງເປັນທາງການໃນປະເທດລາວ ມາພ້ອມຮູບແບບຕົວຖັງແບບລົດ AV ທີ່ໃຊ້ໂຄງສ້າງຕົວຖັງດຽວກັນກັບ GLB ໂດຍ EQB ໃຊ້ລະບົບຂັບເຄື່ອນລໍ້ໜ້າ (FWD)

ທີ່ມາພ້ອມລະບົບປ້ອງກັນຝຸ່ນກັນນ້ຳ ຕາມມາດຕະຖານ IP55/IK10 ນອກຈາກນີ້ຍັງສາມາດຄວບຄຸມການສາກໄຟຟ້າ ແລະ ອັບເດດຊອບແວ່ໄດ້ແບບ TOA (over-the-air) ຜ່ານແອັບພິເຄຊັນ Mercedes ME

ລົດຍົນໄຟຟ້າ ທີ່ຂາຍແລ້ວໃນປະເທດລາວ ມີໃຫ້ເລືອກຫຼາກຫຼາຍ ຫຼາຍລຸ່ນຫຼາຍລາຄາ ຕັ້ງແຕ່ແບນຈາກປະເທດຈີນທີ່ມີລາຄາຈັບຕ້ອງໄດ້ BYD, ORA ແລະ NETA ເຊິ່ງເໝາະກັບການໃຊ້ງານໃນຕົວເມື່ອງທົ່ວໄປ ຈົນເຖິງແບນຍູໂຣບລະດັບໂລກ ທີ່ມາພ້ອມຄວາມຫລູຫລາສົມລາຄາຂາຍ BMW, AUFI Q4, LUXU UX 300E, HONDA ແລະ Volkswagen ID6

ແມ້ວ່າສະຖານີສາກໄຟຟ້າໃນປະເທດລາວອາດຍັງມີຈຳນວນບໍ່ຫຼາຍ ແຕ່ດ້ວຍລາຄານ້ຳມັນທີ່ພຸ່ງສູງ ທຳໃຫ້ຫຼາຍຄົນຫັນມາເລືອກໃຊ້ລົດຍົນໄຟຟ້າກັນຫຼາຍຂື້ນ ແລະ ນັ້ນເປັນທີ່ມາໃຫ້ແບນຈຳນວນຫຼາຍເລີມຜະລິດ ແລະ ນຳເຂົ້າລົດຍົນໄຟຟ້າໃນປະເທດລາວນັ້ນເອງ ເຊິ່ງໃນປີນີ້ ລາວເຮົາກໍ່ມີລົດໄຟຟ້າ EV ເຂົ້າມາວາງຈຳໜ່າຍຈຳນວນຫຼາຍ

ແຜນທີ່ ຈຸດຕູ້ສາກແບບໄວ ຂອງໂລກ້າ

ຄົນທີ່ມີລົດໄຟຟ້າ ບໍ່ຕ້ອງກັງວົນກັບການເດີນທາງໄກອີກຕໍ່ໄປ!

ສາມາດເດີນທາງ ຕັ້ງແຕ່ວັງວຽງ ຈົນເຖີງ ສະຫວັນນະເຂດໄດ້ແລ້ວ.

ແຜນທີ່ຕູ້ສາກແບບໄວໂລກ້າ ໃນແຕ່ລະຈຸດ ໄລຍະທາງລວມ

ທັງໝົດ 601 ກິໂລແມັດ.

1. ວັງວຽງ - ນະຄອນຫຼວງວຽງຈັນ 130 ກິໂລແມັດ

2. ນະຄອນຫຼວງວຽງຈັນ - ປາກຊັນ 146 ກິໂລແມັດ

3. ປາກຊັນ - ທ່າແຂກ 195 ກິໂລແມັດ

4. ທ່າແຂກ - ສະຫວັນນະເຂດ 130 ກິໂລແມັດ

5. ສະຫວັນນະເຂດ - ປາກເຊ 245 ກິໂລແມັດ

(ຂໍຂອບໃຈຂໍ້ມູນຈາກເພສ LocaLaos)

ความรู้สึกทั้งหมด

5

Pard Ptn และ คนอื่นๆ อีก 4 คน

ໃນປັດຈຸບັນນີ້ມີລົດໄຟຟ້າຢູ່4 ປະເພດ

1. ລົດຍົນໄຟຟ້າປະເພດໄຮບິດ (Hybrid Electric Vehicle ຫຼື HEV)

ລົດຍົນໄຟຟ້າປະເພດໄຮບິດ (HEV) ເປັນລົດຍົນທີ່ມີການໃຊ້ເຄື່ອງຍົນປະເພດສັນດາບ ແລະ ມໍເຕີໄຟຟ້າຂັບເຄື່ອນທຳງານຮວມກັນ ໂດຍໃນຄະນະທີ່ລົດຍົນປະເພດນີ້ມີການເບກ ມໍເຕີໄຟຟ້າຈະທຳໜ້າທີ່ເປັນ Genrator ແລະ ປ່ຽນພະລັງງານກັບຄືນເປັນພະລັງງານໄຟຟ້ານຳເຂົ້າໄປເກັບໄວ້ໃນແບັດເຕີຣີໄດ້ອິກດ້ວຍ ເຮັດໃຫ້ລົດປະເພດນີ້ມີອັດຕາການສິ້ນເປື່ອງນ້ຳມັນທີ່ຕ່ຳກວ່າລົດຍົນທີ່ໃຊ້ນ້ຳມັນພຽງຢາງດຽວ

2. ລົດຍົນໄຟຟ້າປະເພດປັກອິນໄຮບິດ (Plug-in Hybrid Vehicle ຫຼື PHEV)

ລົດຍົນໄຟຟ້າປະເພດປັກອິນໄຮບິດ(PHEV) ລົດປະເພດນີ້ມີຄວາມຄ້າຍຄືກັນກັບລົດຍົນໄຮບິດ (HEV) ແຕ່ຈະຕ່າງກັນບ່ອນທີ່ລົດຍົນປະເພດນີ້ ສາມາດສາກໄຟຟ້າຈາກພາຍນອກໄດ້ ເຊິ່ງອາດຈະໃຊ້ເປັນ EV Charger ຫຼື ສາຍສາກທີ່ແຖມມາກັບຕົວລົດ ໃນການໃຊ້ງານ ຈຶ່ງເຮັດໃຫ້ລົດຍົນປະເພດນີ້ສາມາດຂັບເຄື່ອນດ້ວຍລະບົບມໍເຕີໄຟຟ້າພຽງຢ່າງດຽວໄດ້ໂດຍບໍ່ຕ້ອງໃສນ້ຳມັນ ແຕ່ຈະສາມາດຂັບເຄື່ອນດ້ວຍລະບົບໄຟຟ້າພຽງຢ່າງດຽວໄດ້ໃນໄລຍະທາງສັ້ນໆເທົ່ານັ້ນ ໃນດ້ານສະມັດທະນະໃນການຂັບຂີ່ ມໍເຕີໄຟຟ້າຊ່ວຍເຮັດໃຫ້ລົດປະເພດນີ້ອອກໂຕໄດ້ໄວກວ່າລົດຍົນທົ່ວໄປທີ່ໃຊ້ນ້ຳມັນ

3. ລົດຍົນໄຟຟ້າປະເພດເຊລເຊື້ອໄຟ(Fuel cell Electric Vehicle ຫຼື FCEV)

ລົດຍົນໄຟຟ້າປະເພດເຊລເຊື້ອໄຟ(FCEV) ມີການໃຊ້ມໍເຕີໄຟຟ້າ ເປັນກຳລັງຫຼັກໃນການຂັບເຄື່ອນ ພຽງແຕ່ແຫ່ງພະລັງງານນັ້ນມາຈາກພະລັງງານຂອງກາສໄຮໂດເຈນ ໂດຍກາສໄຮໂດເຈນຈະເຮັດປະຕິກິລິຍາກັບອອກຊິເຈນໃນອາກາດທີ່ເຊລເຊື້ອໄຟເຮັດໃຫ້ໄດ້ພະລັງງານສົ່ງກຳລັງໄປໃຫ້ມໍເຕີໄຟຟ້າໃນການຂັບເຄື່ອນ ເຊິ່ງລົດປະເພດນີ້ຈະຕ້ອງໄດ້ມີການເຕີມພະລັງງານໄຮໂດເຈນຈາກສະຖານນີໃຫ້ບໍລິການ

4. ລົດຍົນໄຟຟ້າແບັດເຕີຣີ (Battery Electric Vehicle ຫຼື BEV)

ລົດຍົນໄຟຟ້າປະເພດແບັດເຕີຣີ(BEV) ເປັນລົດໃຊ້ມໍເຕີໄຟຟ້າໃນການຂັບເຄື່ອນພຽງຢ່າງດຽວ ຈຶ່ງສົ່ງຜົນໃຫ້ລົດປະເພດນີ້ຈຳເປັນຕ້ອງມີແບັດຕີຣີຂະໜາດໃຫຍ່ຫຼາຍກວ່າປະເພດອື່ນໆທີ່ກ່າວມາ

ລົດຍົນພະລັງງານໄຟຟ້າ 100% ກັບການໃຊ້ງານແບັດເຕີຣີ

ເພື່ອໃຊ້ງານລົດຍົນ City Car ພະລັງງານໄຟຟ້າ 100% ໃຫ້ຂັບຂີ່ສະດວກສະບາຍ ແລະ ບໍ່ສະດຸດໃນທຸກ lifestyle ຂອງທ່ານ

ການດູແລແບັດເຕີຣີ ທີ່ງ່າຍທີ່ສຸດຄືກວດເຊັກແບັດເຕີຣີກ່ອນໃຊ້ງານໂດຍບໍ່ໃຫ້ຕ່ຳກວ່າ 10% ແລະ ກໍລະນີທີ່ບໍ່ຂັບຂີ່ ເປັນເວລານານ ແນະນຳໃຫ້ກວດສອບລະດັບແບັດເຕີຣີບໍ່ຕ່ຳກວ່າ 30% ການດູແລທີ່ສະດວກ ແລະ ງ່າຍພຽງເທົ່ານີ້ກໍ່ສາມາດເຮັດໃຫ້ການໃຊ້ງານ ລົດຂອງທ່ານ ໄດ້ຢ່າງມີປະສິດທິພາບ

ແບັດເຕີຣີ ພ້ອມລະບົບຈັດການອຸນຫະພູມແບັດເຕີຣີ ແລະ ລະບົບລະບາຍຄວາມຮ້ອນດ້ວຍນ້ຳ ເຮັດໃຫ້ການໃຊ້ງານແບັດເຕີຣີມີປະສິດທິພາບຕະຫຼອດເວລາການໃຊ້ງານ

ໂດຍມອບການປະກັນແບັດເຕີຣີຂັບເຄື່ອນແຮງດັນສູງ ແລະ ມໍເຕີຂັບເຄື່ອນຍາວນານ 8 ປີ ຫຼື 180,000 ກມ.